Evaristus

Dr Evaristus (* im 1. Johrhundert; † wahrschyns anne 105 z Rom) isch dr fimft Bischof vu Rom gsii (um 97 bis 105). Är isch au as Aristus bekannt.

Vum Evaristus waißt mer wenig. Noch em Liber Pontificalis isch er us ere Familie mit hellenistischem Ursprung gstamm, het aber e jidische Vater vu Bethlehem ghaa. Är isch in dr Regierigszyt vum remische Chaiser Domitian zem Papst gwehlt wore, in dr Zyt vu dr zwoote große Chrischteverfolgig. S Liber Pontificalis git au aa, dass er Rom in sibe diaconias, Diakonie, ufdailt het. Är wird draditionell as Märtyrer aagluegt, s git aber kai historischi Bewys derfir.

Em Evaristus sy Gedänkdag isch dr 26. Oktober.