Fasciolo

Fasciolo (Fasciola) estas genro de platvermo de parazitaj trematodoj de la subklaso Digenea, karakterizita per sia lancoformo, kun du kupoj, el kiuj unu buŝa kaj alia ventra, kaj unu biologia ciklo kun du generacioj. Estas du specioj ene de la genro Fasciola: nome Fasciola hepatica kaj Fasciola gigantica, same kiel hibridoj inter ambaŭ specioj. Ambaŭ specioj infektas la hepaton de ampleksa gamo de mamuloj, kiel homoj, per malsano konata kiel fascioliazo. F. hepatica estas ĝis 30 mm por 15 mm, dum F. gigantica estas ĝis 75 mm por 15 mm.^[1]

1. ↑ Prevention, CDC-Centers for Disease Control and (2019-04-16). "CDC - Fasciola - General Information - Frequently Asked Questions (FAQs)". www.cdc.gov. Alirita la 30an de julio 2020.