Fiemo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O fiemo^[1][2] (pron. /fjémo/ ~ [fjæmo]) (d'o latín < FIMUS^[3]) ye lo conchunto d'es excrementos animals emplegatos en a fertilización d'es cautivos agricolas. A sobén, a mes d'es excrementos, tamién se bi incluye restas de palla, alfalz, cazcarrias y altros materials d'es leitos d'as bestias que han estau replegatos en escobar o local. O puesto a on se disposa lo fiemo ta que madure ye clamato femero u femera.

Os excrementos mes emplegatos son os de uella, craba, u gallina, y as bonyas as de vaca u caballo. As d'es tocins gosan dechenerar-se ta formas liquidas que son clamadas purins y que han d'estar tractadas antis no sían usadas per a suya acideza quimica.

Existiba l'oficio tradicional de fematero, qui replegaba fiemo, en os lugars que viviban sobretot de l'agricultura, en especial d'os reganos. Caro Baroja en da notorio en a suya obra etnografica. En Alcanyiz i heba un fematero dica os anyos 50.

Con es fertilizants quimicos, o fiemo yera desplazato de l'agricultura regular, pero actualment l'agricultura ecolochica ye recuperando-lo no només per que aporta nutrients ta lo suelo sique antimás incrementa o numbro de microorganismos en a tierra.

A parola fiemo ye una d'as que mes significativament han quedato afixadas también en o castellano d'Aragón, amostrando o significativo sustrato aragonés que iste tien.

1. ↑ (es) Gerónimo Borao y Clemente: Diccionario de voces aragonesas, precedido de una introducción filológico-histórica, 1859, ISBN 84-9761-673-1, p.232
2. ↑ (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.30
3. ↑ (es) Rosa María Castañer Martín:Estudio del léxico de la casa en Aragón, Navarra y Rioja, Gubierno d'Aragón, 1990, ISBN 84-7753-146-3, p.302