Fives

Fives es e plekke in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. Fives wos tout 1858 e zelfstandige gemêente tot da't by 't stad Rysel wierd gesmeetn, tesedert es't ne wyk van Rysel. 't Ligt o d'ôostkantn van't stadscenter van Rysel, ip de boane richtienge Hellem en Villeneuve-d'Ascq. Der weun'n apeupri 19.000 mienschn.

Fives wos in tydde een klêen boeredorptje da van Rysel geschee'n wos deur de stadsmeurn van Vauban. Nu ligt Fives nog olsan redelyk ofgesnee'n van't center deur de masse yzerboan'n die der liggn en deur de N356-ottostroade. Fives grenst an de gemêente Mons-en-Barœul, an de Ryselse dêelgemêente Hellem, an de gemêentes Lezennes en Ronchin en an de Ryselse wykn Rysel-meul'ns, Rysel-center en Saint-Maurice Pellevoisin.