Flashmob

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Flashmob}} ~~~~

Un flashmob, traducíu lliteralmente del inglés como «multitud relámpago» (flax: ‘rellumu, rabasera’; mob: ‘ensame’) ye una aición entamada na qu'un gran grupu de persones axúntase de sópitu nun llugar públicu, realiza daqué inusual y depués esvalíxase rápido. Poro, una traducción válida, non lliteral, del términu sería «actu multitudinariu rescamplu». Suelen convocase al traviés de los medios informáticos (móviles ya Internet) y na mayor parte de los casos, nun tienen nengún fin más que l'entretenimientu, pero pueden convocase tamién con fines políticos o reivindicativos.

Una de les particularidaes d'estes tribus temporales» ye que nun riquir cuntar col sofitu de los medios de comunicación de mases pa comunicase, coordinase y actuar de manera conxunta, yá que la so comunicación funciona al traviés de redes sociales virtuales. Trátase d'individuos que, sofitaos poles teunoloxíes de comunicación, espublicen mensaxes a los sos redes sociales d'amigos y conocíos, que faen lo mesmo hasta construyir una gran cadena de comunicación que ye capaz de movilizar a miles de persones.

Apocayá, l'actividá foi utilizada como parte de campañes publicitaries de diversos productos, programando la xunta ayures públicu pero cola participación de baillarinos y artistes qu'asemeyen un flashmob tradicional pero incluyendo aspeutos de la marca que se promueve.