Garnela

Una garnela^[1] u marigonya^[1] ye un entretenimiento infantil formau por una barra larga de metal u fusta con posientos en os suyos extremos y refirmada en o suyo punto meyo. As garnelas constituyen una diversión tradicional d'a infancia y se troban en parques y chardines chunto a bandiadors, esvarizaculos y atros elementos ludicos.

O suyo funcionamiento ye o siguient. Os ninos se posan en os posientos uno debant de l'atro y s'empentan alternativament dica lograr estar en o mas alto. D'iste modo, se produce un placentero espalandreyo vertical. En iste sentiu, ye recomendable que os usuarios tiengan pesos parellanos de modo que os dos puedan puyar y baixar. En caso contrario, a garnela se vencería exclusivament enta un costau deixando a l'atro nino penchau.

Como variación se pueden trobar garnelas con muelles en as que a barra se mantiene en posición horizontal en refirmar-se sobre dos muelles. L'avantalla respecto a la convencional reside en que desiche un menor esfuerzo y suaviza o movimiento privando asinas de posibles accidents.

1. ↑ ^{1,0 1,1} (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.