Hallstatt

Arabat droukveskañ gant Hallstadt.

Hallstatt zo ur gêriadenn hag ur gumun en Aostria-Uhel (47°34′Norzh 13°39′Reter), e kornad Salzkammergut. Emañ war ribl Lenn Hallstatt (Hallstätter See).

Brudet eo ar gêriadenn-se dre ma voe kavet enni, en XIX^vet kantved, aspadennoù eus Oadvezh an Houarn, zo roudoù eus ur sevenadur hengeltek dibar diorroet eno, anvet Sevenadur Hallstatt.

Mengleuzioù holen a voe korvoet er menezioù tro-dro adalek an Neolitik pe Nevezoadvezh ar Maen. Kregiñ a reas an dud da dennañ splet eus an holen-se war-dro 3000 kent JK. Da vras e tenne an obererezh-se e-pad ar c’hentañ milved kent JK, rak gouzout a reer e veze ezporzhiet holen eus kornad Hallstatt davet ar Mor Baltel hag ar Mor Kreizdouar. Gant UNESCO e oa bet lakaet Hallstatt war roll lec'hiennoù ar Glad bedel e 1996.