Hamsa

Die hamsa of gamsa (Arabies: خمسة‎, khamsah, chamsah; Hebreeus: חַמְסָה; Berbers: ⵜⴰⴼⵓⵙⵜ, tafoest) is 'n amulet in die vorm van 'n handpalm. Dit is gewild deur die Midde-Ooste en Noord-Afrika, en word dikwels as juwele en muurversierings gebruik.^[1][2]

Die uitbeelding van die oop regterhand is 'n beeld wat telkemale deur die geskiedenis erken en gebruik is as 'n teken van beskerming. Daar word deur sommiges (hoofsaaklik Moslems, Jode en Katolieke) geglo die hamsa bied verdediging teen die bose oog. Daar is al vermoed die oorsprong van die hamsa lê in Antieke Egipte of Kartago (hedendaagse Tunisië) en dat dit moontlik met die godin Tanit verband gehou het.

1. ↑ Bernasek et al., 2008, p. 12.
2. ↑ Sonbol, 2005, pp. 355–359.