Industria-ondare

Industria-ondarea, Nazioarteko Industria Ondarearen Kontserbaziorako Batzordearen arabera, historia, teknologia, gizarte, arkitektura edo zientzia ikuspegitik balorea duen kultura industrialaren aztarna multzoa da. Aztarna hauek honakoak dira: eraikinak eta makinaria, lantegiak, errotak eta fabrikak, meatzeak, burdinolak, errefinatu, bildu edo gordetzeko lekuak, energia sortu, bidali edo erabiltzen diren lekuak, garraiobideak eta beren azpiegitura guztia, bai eta industriarekin zerikusia duten jarduera sozialak, tartean langileen bizilekuak eta etxebizitzak, eta kulturako lekuak eta ikastetxeak.