Inuit

Inuit san de indigenen Voiksgruppm, de wo im arktischn Tei vo Kanada und auf Grönland lebm. De Bezeichnung Eskimo is a Obabegriff, wo de Inuit dazua ghean, oba aa no ondare arktische Voiksgruppm wia de Yupik und de Aleuten.

De Sproch vo Inuit is Inuktitut (Noadwestkanada und Grönland) und Inuinaqtun (arktisches Zentralkanada).

Seit de 1960a Joa is des traditioneje Nomadnlebm vorbei. Bewohnt wean heit voagfeatigte Siedlungshaisa. Schneemobile und Kanus mit Außnbordmotor hom de Schlittnhund und de Kajaks easetzt. Schlittenhund san heit nua no a Luxus.