Jeon

Jeon
Pajeon variasi jeon dengan daun bawang
Hangul	전, 전유어, 전유화, 저냐, 부침개, 지짐, 지짐개
Hanja	煎, 煎油魚, 煎油花,
Alihaksara Koréa Kang Sinampurna	jeon, jeonyueo, jeonyuhwa, jeonya, buchimgae, jijim, jijimgae

Jeon (jun), buchimgae, jijimgae, utawi jijim punika sebatan kanggé sadaya dadar glepung terigu wonten ing dhaharan Koréa. Wonten ing istilah kuliner astana Koréa, dhaharan punika dipunsebat jeonyueo utawi jeonyuhwa (kadang kala dipunringkes dados jeonya). Adonanipun dipundamel saking campuran glepung lan toya. Isinipun punika wujud daging pitik, daging sapi, dhaharan sagara utawi janganan. Bibar dipunudhak kaliyan isinipun lajeng dipungoreng kanthi ngginakaken sakedhik lisah utawi lenga wijèn ^[1].

Jeon padatanipun dipunsajekaken minangka banchan, sajian pambuka, utawi anju (sajian nalika ngunjuk unjukan mawi alkohol). Kajawi punika, jeon kalebet dhaharan ingkang wigatos kanggé jesasang (méja upacara kanggé jesa, pengetan dinten séda) lan janchi (hangul:잔치, festival). Jeon ingkang dipunsajekaken kanggé jesa punika dipunwastani gannap (hangul:간납, hanja: 干納 utawi 肝納) utawi gannam (hangul:간남, hanja:肝南). Isinipun punika wujud ati sapi, ulam, janganan lan godhong bawang.^[2] Satunggaling jinis jeon ingkang raosipun legi kados panekuk^[3] inggih punika hwajeon (jeon campur kembang). Wonten ing Koréa Kidul, variasi jeon ingkang kondhang inggih punika bindaetteok (jeon kacang ijo), lan pajeon (jeon godhong bawang), lan kimchijeon (jeon kimchi) ^[4].

1. ↑ Makanan Tradisional Imlek di Korea, (dipunakses tanggal 6 Maret 2013)
2. ↑ Yoon, Seoseok (윤서석) (1991). "간납" . {{cite web}}: Text "Jeonbuk Foood Culture Plaza, / Korean cuisine terms, published by Mineumsa" ignored (pitulung)
3. ↑ Kimchi Jeon Archived 2013-04-15 at the Wayback Machine., (dipunakses tanggal 6 Maret 2013)
4. ↑ Kimchi Jeon Archived 2013-11-14 at the Wayback Machine., (dipunakses tanggal 6 Maret 2013)