Kambal

An kambal iyo an duwang aki na naprodusir huli sabay na pagbados.^[1] An kambal pwedeng magin arin man sa monozygotic ('identical'), na nangangahulogan na iyan nagtatalubo hale sa sarong zygote, na nabanga asin nabibilog nin duwang embryo, o dizygotic ('non-identical' o 'fraternal'), na nangangahulogan na an lambang kambal nagkakaigwa nin separadong sugok asin an lambang sugok pertilisado kan sadiring semilya kaiyan.^[2] Mantang an magkaagid na kambal nagigin hale sa sarong zygote, sinda igwa nin parehong tawuha, mantang an fraternal na kambal posibleng magkalaen nin tawuha. Sa bihirang mga kaso an kambal pwedeng magkaigwa nin iyo man sanang ina asin magkalaen na ama (heteropaternal superfecundation).

Sa kabaliktaran, an fetus na nagsosolo sa matris (an mas komun nanggad na kaso, sa mga tawo) inaapod na singelton, asin an pankagabsan na termino para sa sarong aki kan multiple birth iyo an multiple. Inaapod na doppelgängers an mga bakong magkadugo alagad magkaagid.^[3]

1. ↑ MedicineNet > Definition of Twin Archived 2013-10-22 at the Wayback Machine. Last Editorial Review: 19 June 2000
2. ↑ Michael R. Cummings, 5-7 Twin Studies and Complex Traits in "Human Heredity Principles and issues" p. 104.
3. ↑ Orwant, Jon. "Heterogeneous learning in the Doppelgänger user modeling system." User Modeling and User-Adapted Interaction 4.2 (1994): 107-130.