Back شعب كافانجو ARZ Kavango Catalan Kavango (Ethnie) German Kavango people English Kavangoj EO Kavango (etnia) Spanish Kavango EU Kavangos French Kavango (popolo) Italian Kavangai LT
Die Kawango's is naverwant aan die Wambo's en tel sowat 120 000, die grootste volk in Namibië na die Wambo's. Soos laasgenoemde kom hulle van die groot mere in Oos-Afrika, vanwaar hulle in 'n suidwestelike rigting getrek en hulle in die teenswoordige Angola gaan vestig het. Tussen die jare 1750 en 1800 het hulle na Kawango, suid van die Kavangorivier, of soos dit ook bekend staan Okavangorivier, getrek. In dieselfde tydperk het vier stamme, die Kwangali, Mboenza, Sambijoe en Gcirikoe van die res afgestig. Die Mboekoesjoe was reeds nie meer deel van die ander groepe nie. Van die vier dialekte wat in die Kawango-streek gepraat word, is Kwangali die een met die meeste moedertaalsprekers. Die Kawango's is tot 'n groot mate riviergebonde. Die meeste van hulle woon lang die Kawango-rivier waar hulle visvang, hul landerye bewerk en beeste aanhou. Elke stam het sy eie tradisionele stamkaptein, wat as 'n hompa bekend staan. Die leierskap word matrilineêr oorgedra, oftewel aan 'n erfgenaam aan die moederskant.
