Mercury-program

Die Mercury-program was die eerste bemande ruimteprogram van die Verenigde State van Amerika wat in 1958 begin is en in 1963 afgeloop het. Die hoofdoelwit van die program was om 'n persoon in 'n wentelbaan om die aarde te plaas en hom veilig terug te bring, verkieslik voor die USSR dit kon doen. Die destyds-pasgestigte NASA het die program by die Amerikaanse Lugmag oorgeneem. Die totale program het uit twintig onbemande vlugte (party het diere as passasiers gehad) en ses suksesvolle ruimtetogte deur ruimtemanne bestaan.

Die program het V$277 miljoen gekos (teen 1965 VSA dollar-pryse) en het werk aan 2 miljoen mense verskaf. Die ruimtemanne wat aan die program deelgeneem het, staan bekend as die Mercury Sewe.

Die Mercury-program is deur die Gemini-program opgevolg.

Hierdie lugvaartartikel is 'n saadjie. Jy kan Wikipedia help deur dit uit te brei.

Hierdie artikel is in sy geheel of gedeeltelik vanuit die Engelse Wikipedia vertaal.