Methanopyrus

Methanopyrus é un xénero de microorganismos do dominio das arqueas da familia Methanopyraceae.^[1]

Methanopyrus é un xénero de metanóxenos, do que só se describiu unha especie, Methanopyrus kandleri. É un hipertermófilo, descuberto na parede dunha cheminea negra no Golfo de California a unha profundidade de 2.000 m, a temperaturas de 84–110 °C. A cepa 116 descubriuse no fluído dunha cheminea do campo hidrotermal Kairei; pode sobrevivir a 122 °C.^[2] Vive nun ambiente rico en hidróxeno e dióxido de carbono, e, como outros metanóxenos, reduce este último a metano. Está situado dentro dos Euryarchaeota na súa propia clase, Methanopyri, e orde, Methanopyrales.

1. ↑ Ver no NCBI a páxina para Methanopyrus. Datos extraídos de "NCBI taxonomy resources". National Center for Biotechnology Information. Consultado o 2014-07-01. 
2. ↑ Takai K, Nakamura K, Toki T, Tsunogai U, Miyazaki M, Miyazaki J, Hirayama H, Nakagawa S, Nunoura T, Horikoshi K (2008). "Cell proliferation at 122 °C and isotopically heavy CH4 production by a hyperthermophilic methanogen under high-pressure cultivation". Proc Natl Acad Sci USA 105 (31): 10949–54. PMC 2490668. PMID 18664583. doi:10.1073/pnas.0712334105.