Monokel

'n Monokel of oogglas is 'n halwe bril, dit wil sê, 'n bril wat uit één glas bestaan en vir één oog bedoel is.

'n Monokel werk op die selfde manier as 'n bril, met die verskil dat dit nie op die neus geplaas word nie, en ook nie agter die oor gehaak word nie. In werklikheid bestaan 'n monokel uit 'n ronde lens met 'n draad kring daar rondom. 'n Toutjie is aan hierdie draad vasgemaak sodat die monokel om die nek gehang kan word, of iewers anders aan die klere vasgemaak kan word, sodat die monokel nie op die grond sal val as dit los kom nie. Mens klem die monokel vas tussen jou wangbeen en wenkbrou.

Die monokel is sedert die middel van die twintigste eeu uit die mode; mense wat net met een oog iets fout het dra liewer 'n bril waarin slegs een lens werk. Miskien is die aristokratiese konnotasie wat aan die oogglas verbonde is, een van die redes hoekom dit uit die mode geraak het – dit verklaar egter nie waarom die oogglas nie gewild is met snobs nie, of in omstandighede waarin vertoonsug gewens sou wees nie. Vermoedelik is die monokel as minder gebruikervriendelik as die bril beskou.

Die bekendste monokeldraer, en tegelykertyd die eerste persoon van wie ons weet, wat 'n monokel gedra het, was Nero Claudius Caesar Augustus Germanicus (beter bekend as keiser Nero), wat deur 'n smarag gekyk het om die gladiatorgevegte te kon sien. Deesdae is bekende monokeldraers skaars; uitsonderinge is die Britse sterrekundige en TV-ster Sir Patrick Moore en die gewese bokser Chris Eubank.

Monokel is ook die benaming vir 'n vlek rondom 'n hond se oog.