Mustardi

Mustardi^[1] (hurup Arab Gundul: مسترد) ièlah bumbu pengèco nyang orang paké bakal ngeja makanan. Mustardi dikeja deri wiji-wijian taneman sesawi. Mustardi dibikin tibang nggerus itu taneman sesawi punya wiji-wijian, terus dicampurin ama aèr atawa cuka. Banyaknya cuka nyang dipaké begantung ama wiji nyang dipaké. Itu mustardi bisa-bisa rada pedesan atawa kurang pedes.

Kebanyakan mustardi udah dibelèk-belèkin di dalem belèk, jadinya orang mah makénya tibang diboréhin di roti tumplek, lalaban, sayuran, daging, atawa diprocotin ke hodog atawa lalaban artapel, barengan ama caos tomat atawa laèn-laèn bumbu-bumbuan. Orang kita mah jarang maké mustardi. Seringannya mah, ni mustardi adanya di ruma-ruma makan tinggal madang nyang udah di bungkus-bungkusin. Enti, itu mustardi tinggal sowèk ama procotin aja dah ke makanannya.

1. ↑ von de Wall, H. (1880). Maleisch-Nederlandsch Woordenboek: Op het last van het Gouvernement van Nederlandsch-Indië. J. 3. Lansdrukkerij. h. 143.