Offertorium

Die offertorium (uit Middeleeuse Latyns offertorium en Laat-Latyns offerre )^[1] is daardie deel van 'n eucharistiese mis wanneer die brood en wyn wat tydens die diens gebruik word op die altaar geplaas word.

'n Kolleksie (insameling) van offer- of liefdegawes (aalmoese) uit die gemeente, wat byvoorbeeld tydens nie-eucharistiese dienste gebeur, val dikwels saam met dié seremonie.

Die eucharistiese teologie mag verskil tussen die Christelike denominasies waarvan die offertorium deel van die liturgie uitmaak.

In die Roomse rite word die term "Voorbereiding van die Gawes" ^[2] benewens die term "offertorium" gebruik,^[3] – of eerder die term "Voorbereiding van die Gawes" vir die aksies van die priester, terwyl die term "Offertorium" gebruik word vir daardie deel van die mis waartydens dié aksie uitgevoer word, veral as daar na die gepaardgaande gelyksang verwys word.^[4]

In Baptistekerke verwys die offertorium na die deel van die erediens waartydens kollekteborde of -mandjies deur beamptes versprei word, waarna dié tiendes en offergawes na die kanselruimte gebring word.

1. ↑ Merriam-Webster Dictionary
2. ↑ General Instruction of the Roman Missal (GIRM), 33, 43, 72-77, 214
3. ↑ GIRM, 37, 43, 74, 118, 139, 142, 367
4. ↑ General Instruction of the Roman Missal (GIRM), 43