Oriolfringo

Oriolfringo
Oriolfringo, masklo Oriolfringo, ino
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Fringedoj Fringillidae Genro: Linurgus Specio: 'L. olivaceus'
Dunomo
Linurgus olivaceus (Fraser, 1842)
Konserva statuso
Konserva statuso: Vundebla
Aliaj Vikimediaj projektoj
Sistematiko en Vikispecioj
Komunejo pri Oriolfringo
v • d • r

La Oriolfringo, laŭ la specio, aŭ Linurgo, laŭ la genro, (Linurgus olivaceus) estas specio de birdo de la familio de Fringedoj. Ĝi estas monotipa en la genro Linurgus.^[1]

Ĝi estas specio kun tre markata seksa duformismo. La masklo havas nigran kapon (kun gorĝareo kaj supra brusto) kaj flavan korpon, pli flava ĉirkaŭ la nigra areo kaj subaj partoj, dum estas oliveca nuanco en flankoj kaj la dorso kaj flugiloj estas olivecverdecaj, tiuj lastaj kun la flavecaj flugilstrioj de kardeloj. La kombino de nigra kapo kaj flava korpo (flava kaj nigra koloroj) nomigas la specion per simileco al orioloj, kiuj estas tute ne rilataj, sed kunhavas tiun saman kombinon. La ino estas ĝenerale pli grizbruna, kun tre grizbrunaj krono kaj supraj partoj, dum estas iom pli helflaveca en suba vango kaj gorĝareo. La flugiloj estas ankaŭ pli malhelaj sed kun samaj flavecaj flugilstrioj. La beko estas tre dika baze un la supra makzelo iomete pli longa kaj kurbeca; ĝi estas tre flava ĉe masklo kaj pli rozkolora kun malhela pinto ĉe ino.

Ĝi troviĝas en Centra Afriko, ĉefe en Burundio, Kameruno, Demokratia Respubliko Kongo, Ekvatora Gvineo, Kenjo, Malavio, Niĝerio, Ruando, Sudano, Tanzanio kaj Ugando. Ĝi troviĝas en subtropikaj aŭ tropikaj humidaj ĉiamverdaj montararbaroj.^[2][3]

1. ↑ “Bayesian phylogeny of Fringillidae birds: status of the singular African oriole finch Linurgus olivaceus and evolution and heterogeneity of the genus Carpodacus”, Acta Zoologica Sinica (Abstract) 53 (5), p. 826–834. Alirita 14 December 2009..  Arkivigite je 2011-07-21 per la retarkivo Wayback Machine Arkivita kopio. Arkivita el la originalo je 2011-07-21. Alirita 2010-10-09 .
2. ↑ BirdLife International (2004). Linurgus olivaceus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12 May 2006.
3. ↑ Clement, Peter; Harris, Alan; Davis, John. (1993) Finches and Sparrows. Princeton, New Jersey: Princeton University Press, p. 210–211. ISBN 0-691-03424-9.