Palaciu

Palaciu ye l'edificiu utilizáu como residencia del xefe d'Estáu o otru magnate.

Surdieron na Edá Antigua, col entamu de la historia, en toles civilizaciones; allugando acontecimientos y protagonizando procesos políticos, sociales y económicos de trescendencia histórica.

Nel Antiguu Réxime européu los palacios yeren les residencies reales, les de la nobleza y del altu cleru; anque tamién de los burgueses arriquecíos. Construyíense, amoblaben y decoraben colos criterios del gustu artísticu más esixente y el mayor luxu, contribuyendo a afitar los estilos artísticos de cada dómina.

Na Edá Contemporánea munchos palacios fueron tresformaos pa otros usos, como parllamentos o museos. El términu emplégase tamién davezu pa denominar nueves construcciones d'edificios públicos especialmente luxosos que funcionen como finxos urbanos; sía como quier el so usu, siendo un casu estremu les luxoses estancies palaciegues qu'en realidá son pasiellos del Metro de Moscú, construyíu na dómina estalinista con esplícita referencia a los palacios zaristes.