Parraleta

A parraleta^[1] ye una variedat d'uga (Vitis vinifera) tinta mediterrania. O suyo probable puesto d'orichen ye a comarca d'o Semontano de Balbastro, a on a suya importancia ha disminuyiu d'o 22% d'a superficie plantada en 1975 a o 0,2% en 2002.^[2]

A parraleta ye una variedat d'uga de poco rendimiento^[3] que da fruitos de mida meyana en carrazos chicoz u meyanos moderadament compactos. Se puet emplegar pa elaborar vins varietals u mezclar-se con moristel u tempranillo. Os vinos gosan tener una color intensa, fenol elevau y acetor. O conteniu alcolico ye potencialment mas alto, encara que os vins a sobén se destacan por as sabors aromaticas, con buena color, estructura, acetor y fragancia.

En Aragón ye una d'as variedaz tintas autorizadas en os vins d'a denominación d'orichen protechida Semontano y en as indicacions cheograficas protechidas vins d'a Tierra Ribera d'o Queiles y Valle d'a Cinca.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (en) "Application of microsatellite markers for the characterization of ‘Parraleta’: an autochthonous Spanish grapevine cultivar". C. Montaner, J. P. Martín, J. Casanova, C. Martía, D. Badía, F. Cabelloc and J. M. Ortiz. Scientia Horticulturae Volume 101, Issue 3, 10 de setiembre de 2004, Pachinas 343-347
3. ↑ (en) "The World Atlas of Wine". H. Johnson & J. Robinson, 5th ed., pach. 195 Mitchell Beazley 2001. ISBN 1-84000-332-4