Pinisi

Pinisi yanaritu kappala layara tradisional has’na polé Indonésia, yappunnaéwi To Ugi makkutopa To Mangkasara’ ri Sulawesi Maniang, hususna polé ri Wanua Bira, Kecamatang Bonto Bahari, kabupaténg Bulukumba. Pinisi yaro sebenarna aseng layara. Kappala yaë mappunnai duwa alliri layara poko sibawa pitu lampa layara, yanaritu tellu ri cappa ri olo, duwa ri olo, sibawa duwa polé ri munri; biasana ripaké untu’ marakka barang lintasa pulo. Duwa alliri layara poko yaro ripattentukangngi 2 (read: duwa) kalima sahada’ sibalé’na pitu lampa layara bettuanna jumla aya yamaneng sure Al-Fatihah. Pinisi yanaritu sirupa kappala layara mappaké tanja layara sekunar sibawang duwa alliri sibawa pitu lampa layara bettuanna yanaritu néné’ moyanna bangsa Indonésia weddingngi naccennéki iyaréga nalaloi pitu tasi maloang ri linoé yaë.