Back متعدد مكعبات Arabic Polywürfel German Polycube English Policubo Spanish Polycube French Policubo Italian ポリキューブ Japanese Policubo Portuguese Policub Romanian Поликуб Russian
En matematiko, plurkubo estas plurformo kun kubo kiel la baza formo. Ĝi estas la tri-dimensia analogo de la ebena plurkvadrato.
Plurkubo povas esti konstruita surbaze de ĉiu plurkvadrato per aldono de la 3-a dimensio. Sed ekzistas ankaŭ esence 3-dimensiaj plurkuboj, kiuj ne povas esti tiel konstruitaj. Esence 3-dimensia plurkubo konsistas el minimume 4 kuboj.
Plurkuboj estadas nememspegulsimetriaj kaj memspegulsimetriaj. Plurkubo konstruita surbaze de plurkvadrato ĉiam estas memspegulsimetria, eĉ se la fonta plurkvadrato estas nememspegulsimetria. Ĉi tio estas ĉar aldono de ankoraŭ unu dimensio donas la novan eblecon de turnado.
La kubo de Soma kaj la kubo de Bedlam estas ekzemploj de pakantaj problemoj bazitaj sur plurkuboj.