Back Wolkekrabber AF Wolkenkratzer ALS Gratacielos AN ناطحة سحاب Arabic ناطحة سحاب ARZ Göydələn AZ گؤیدلن AZB Үтә бейек йорттар BA Skyscraper BCL Хмарачос BE
| Rascacielos | |
|---|---|
| torre | |
 | |
 |
Un rascacielos ye un edificiu altu, con múltiples pisos, que ye habitable de contino. Les fontes modernes avecen a considerar un edificiu como rascacielos cuando mide más de 100 o 150 m d'altor, pero nun hai una definición universalmente aceptada. Los rascacielos son, por dicilo de forma cenciella, edificios de gran altor peraltos. La empresa Emporis, especializada en datos d'edificios, define nos sos estándares un edificiu de gran altor como cualesquier estructura con un altor construyíu d'ente 35 y 100 metros de altor, y cualesquiera con un númberu de pisos d'ente 12 y 39 pisos, magar que nun se conoza exactamente'l so altor[1]. Nel mesmu sen, define rascacielos, reconociendo la esistencia de delles definiciones estremaes a lo llargo'l mundu y tentando d'algamar un consensu que pudiera aplicase universalmente, como l'edificiu de múltiples pisos con un altor construyíu de más de 100 m[2]. Un rascacielos puede abellugar, amás de viviendes, oficines, hoteles y espaciu comercial.
Una característica común de los rascacielos, que los estrema de los otros edificios de gran altor, ye que tienen un armazón d'aceru, nel que se sofiten muries cortina que formen les fachaes. Estos, en cuenta de descansar en muries de carga, como ye vezu na construcción convencional, tán o bien apoyaos nel armazón, na so parte inferior, o suspendíos d'elli na so parte superior. Esta estructura permite tener una gran superficie con ventanes, magar que tamién ye posible construyir muries cortina d'estructura asemeyada a les muries convencionales y, poro, con poca superficie acristalada. Los rascacielos más modernos avecen a tener una estructura tubular, de forma que pueden actuar como un cilindru güecu pa resistir la fuercia del aire o los terremotos.
En xineru de 2020 había nueve ciudaes que teníen más de 100 rascacielos de más de 150 m d'altor: Ḥong Kong (355), Shenzhen (289), Nueva York (284), Dubái (201), Shanghai (163), Tokiu (158), Mumbai (151), Chicago (130), Chongqing (127) y Cantón (118).
- ↑ Definición d'edificiu de gran altura (high-rise building) nos estándares d'Emporis.
- ↑ Definición de rascacielos nos estándares d'Emporis.