Wolkenkratzer

Àls Wulkakràtzer bezaichnet m’r Hoochhiiser, wo b’sunderscht hooch sìnn. Dia B’zaichnung b’nutzt m’r normààlerwiis àb 150 Meeter Heecha, àwwer dàs kààt je nooh Zammahàng un Regioon äbbis heecher odd’r nììdriger sìì.^[1][2]

M’r lüagt sìe oft àls Sìmbool fìr wìrtschàftliga Màcht àà. Fìr Bàuimaischter un B’sìtzer ìsch’s àui a Waag, ìn dr gànza Walt sii Riichtumm un Schäpfungsvermeega z’ zaiga. Ìn vììla Schtädt, wo-n-a hoocha Beveelkerungsdìcht hann, sìnn sa a Üssdruck vum Plàtzmàngel. Dr diitscha Begrìff „Wulkakràtzer“ (uff Hoochdiitsch Wolkenkratzer) ìsch a Leehnìwwersätzung vum anglischa skyscraper. Dàs Wort schtàmmt vu dr Fàchschprooch vu da Seefààhrer un bezaichnet dr heechschta Màscht vu’ma Saagelschìff.^[3]

1. ↑ Ernst Seidl (Hrsg.): Lexikon der Bautypen. Funktionen und Formen der Architektur. Philipp Reclam jun. Verlag, Stuttgart 2006, ISBN 978-3-15-010572-6 (Iigschränkti Vorschau uf books.google.de). 
2. ↑ What is a Tall Building? Council on Tall Buildings and Urban Habitat (CTBUH), abgruefen am 20. September 2024 (amerikanischs Änglisch). 
3. ↑ Dia Informàzioona sìnn üss’m Àrtìkel Wolkenkratzer ìn dr hoochdiitscha Wikipedia ìwwernumma worra.