Restu

N'aritmética, el restu o borrafa d'una división de dos númberos enteros ye'l númberu que se-y hai de restar al dividendu por que sía igual a un determináu númberu de vegaes el divisor. Equivalentemente, ye'l númberu resultante de la diferencia del dividendu col productu del divisor pol cociente. Esto ye:

$${\displaystyle Restu=dividendu-(divisor\times cociente)}$$

Según el so restu, les divisiones clasifíquense como exactes si'l so restu ye cero o inexactes cuando nun lo ye.

Xeneralmente, al restu d'estremar x ente y suelse espresar como ${\displaystyle x{\bmod {y}}}$.

Na práctica, el restu d'una división puede calculase usando ecuaciones, en términos d'otres funciones. En términos de la función parte entera ${\displaystyle \lfloor x\rfloor }$, el restu puede definise como:

${\displaystyle x{\mbox{ mod }}y:=x-y\left\lfloor {\frac {x}{y}}\right\rfloor }$

La espresión x mod 0 queda ensin definir na mayoría de los sistemes numbéricos, anque dalgunos definenlo como igual a x.

Por exemplu, 4 / 5 = 0.8, si tomase la parte inexacta'l restu d'esta division sería cero. Pero en términos de la función entera 4 mod 5 seria 4, yá que restu = 4 - 5 * 0 = 4, ye dicir el restu ye 4.