Retablo

Un retaulo^[1] u retablo^[1] ye un conchunto de grans dimensions que bi ha en as ilesias dezaga de l'altar, que a sobén ye construyiu en fusta dorada y policromada. Cuan o retablo se troba dezaga de l'altar mayor d'o templo, se denomina retablo mayor.

Puet estar nomás de tipo escultorico, con relleus, u bien estar nomás de tipo pictorico, encara que a sobén ye de tecnica mixta, con relleus pintatos.

Ye formato por una bancada inferior, u predela, que puet tener motivos decorativos de tematica diferent a la resta d'o retablo, y un cuerpo prencipal dividiu en carreras verticals y cuerpos horizontals (os centrals de mayor importancia que os laterals, tanto en as carreras como en os cuerpos). En a parte superior bi ha a espina u atico, y a suya tematica ye a sobén o Calvario de Chesús de Nazaret. En as marguins laterals puet haber as espigas, en a parte superior d'as carreras. Antiparte, se claman montants as fustas u listons ta separar as partes d'o retablo, vertical u horizontalment.

1. ↑ ^{1,0 1,1} (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.