Rooikat

Rooikat
Бітва	Southern African Development Community intervention in Lesotho[d]
Краіна паходжання	ПАР
Вытворца	BAE Systems[d]
Дата прыняцця ў эксплуатацыю	1990
Медыяфайлы на Вікісховішчы

Rooikat (бел.: «Каракал») — паўднёваафрыканская баявая разведвальная машына, часта класіфікуецца таксама як знішчальнік танкаў. Прынятая на ўзбраенне Паўднёва-афрыканскіх нацыянальных сіл абароны ў 1990 годзе^[1].

Распрацоўка была пачата ў 1976 годзе для замены састарэлай БРМ Eland 90. Серыйная вытворчасць пачалася ў 1989 годзе. Усяго было пабудавана каля 240 адзінак Ройкат^[2].

У 1994 годзе была распрацавана версія з наразной 105-мм гарматай Denel GT7.

БРМ Rooikat узброена наразной 76-мм гарматай з даўжынёй ствала 62 калібра. Гармата абсталявана лазерным далямерам. Хуткастрэльнасць складае 6 стрэлаў у хвіліну. Сістэма начнога бачання дазваляе весці прыцэльны агонь ноччу на адлегласці да 2000 метраў.

Гармата мае эфектыўную далёкасць стральбы да 3000 метраў і дазваляе паражаць танкі M48, T-54, T-55 і Т-62 на адлегласці да 1500 метраў у любой праекцыі^[2].

Браня забяспечвае кругавую абарону ад 7,62-мм куль і аскепкаў снарадаў. Лабавая браня вытрымлівае трапленне 23-мм бранябойных снарадаў, выпушчаных з блізкай дыстанцыі^[3].

Бронеаўтамабіль абсталяваны V-вобразным дзесяціцыліндравым рухавіком магутнасцю 563 к. с. і шасціступеньчатай аўтаматычнай каробкай перадач. Рухавік і трансмісія змантаваныя ў манаблоку, што дазваляе вырабіць іх замену ў палявых умовах на працягу 60 хвілін^[1].

Rooikat адрозніваецца вельмі добрай рухомасцю: развівае па шашы да 120 км/г і мае запас ходу 1000 км.

1. ↑ ^{а б} Rooikat 76 (нявызн.). Архівавана з першакрыніцы 8 мая 2012. Праверана 20 ліпеня 2012.
2. ↑ ^{а б} Rooikat (нявызн.). Архівавана з першакрыніцы 16 сакавіка 2015. Праверана 20 ліпеня 2012.
3. ↑ Rooikat 105 Armoured Fighting Vehicle, South Africa (нявызн.). Архівавана з першакрыніцы 11 лютага 2021. Праверана 20 ліпеня 2012.