Sakse-Anhalt

Sachsen-Anhalt
Sassen-Anholt
Sakse-Anhalt

Landsvlag	Landswapen
(Besonderhede)	(Besonderhede)
Basiese gegewens
Ampstaal:	Duits; in die noorde ook Nederduits as omgangstaal
Hoofstad:	Maagdeburg
Stigting:	3 Oktober 1990
Oppervlakte:	20 451,58 km²[1] (8ste)
Bevolking:	2 180 684 (31 Desember 2020) (11de)[2]
Bevolkingsdigtheid:	107 inwoners / km² (14de)
BBP  - Totaal	2017 60,10[3]  miljard € (13de)
Volkslied (Landeshymne):	geen
Skuldlas per inwoner:	10 026 € (30 Junie 2020)
Totale skuldlas:	21,863 miljard € (30 Junie 2020)[4]
Werkloosheidsyfer:	6,8% (September 2021)[5]
ISO 3166-2:	DE-ST
Amptelike webwerf:	www.sachsen-anhalt.de
Politiek
Eerste minister:	Reiner Haseloff (CDU)
Regerende partye:	CDU, SPD en FDP
Setels in die parlement (Landtag) (97 setels) (2016: 87 setels):	CDU 40 (2016: 30) AfD 23 (25) Die Linke 12 (16) SPD 9 (11) Grüne 6 (5) FDP 7 (-)
Laaste verkiesing:	6 Junie 2021
Volgende verkiesing:	2026
Parlementêre verteenwoordiging
Stemme in die Federale Raad (Bundesrat):	4 (van 69)
Kaart

Sakse-Anhalt (Duits: Sachsen-Anhalt, [ˈzaːksn̩ˈʔanhaltʰ]; Nederduits: Sassen-Anholt) is 'n deelstaat van die Bondsrepubliek Duitsland. Die administratiewe hoofstad en grootste stad is Maagdeburg met 'n bevolking van 2 180 684 in 2020. Sakse-Anhalt grens aan die deelstate Nedersakse, Brandenburg, Sakse en Thüringen.

Die deelstaat het in sy huidige vorm 'n baie kort tradisie aangesien dit net in die tydperk tussen 1947 en 1952 as 'n deelstaat van die deur Sowjet-Rusland besette Oos-Duitsland en latere Duitse Demokratiese Republiek bestaan het. As gevolg van 'n administratiewe hervorming is die deelstaat in 1952 ontbind en in twee distrikte, Halle en Maagdenburg, verdeel. Met die Duitse hereniging op 3 Oktober 1990 is Sakse-Anhalt as een van vyf nuwe oostelike deelstate herstig.

Die gebied aan die Harz-bergreeks, die middelloop van die Elberivier en die benedeloop van die Saale pronk nogtans met 'n ryk historiese en kulturele erfenis wat tot die vroegste periode van die Duitse ryksgeskiedenis teruggevoer kan word. Belangrike historiese gebeurtenisse, persoonlikhede en prosesse het hulle oorsprong in hierdie gebied gehad en dikwels ver buite sy grense uitgestraal soos byvoorbeeld die Reformasie. Martin Luther en Philipp Melanchthon, wat albei as professore by die Universiteit van Wittenberg werksaam was, het met hul reformatoriese werk die Duitse geloofswêreld blywend verander.

Daarnaas weerspieël ook Sakse-Anhalt se argitektoniese erfenis met kastele, slotte, katedrale en kerke langs die sogenaamde Romaanse Roete (Duits: Straße der Romanik) die geskiedenis van die gebied.

1. ↑ (de) Regionaldatenbank des Bundesamtes für Statistik, besoek op 30 September 2021
2. ↑ (de) www.statistik.sachsen-anhalt.de: Statistisches Landesamt Sachsen-Anhalt, Bevölkerung der Gemeinden – Stand: 31. Dezember 2020, besoek op 30 September 2021
3. ↑ (de) Bruttoinlandsprodukt von Sachsen-Anhalt seit 1991, besoek op 30 September 2021
4. ↑ (de) destatis.de: Vorläufiger Schuldenstand der Länder, besoek op 30 September 2021
5. ↑ (de) statistik.arbeitsagentur.de: Arbeitslosenquoten im September 2021 – Länder und Kreise, besoek op 30 September 2021