Seram

Seram zo unan eus inizi Maluku e reter Indonezia. An eil enezenn vrasañ eo en enezeg-se, gant ur gorread a 17 100 km².

Emañ etre mor Seram en norzh ha mor Banda er su, hag etre inizi Buru (er c'hornôg), Ambon (er mervent), Misool (er biz) ha Ginea Nevez (er reter). Masohi eo ar gêr vrasañ.

Goloet eo an enezenn gant koadoù trovanel stank. Kopra, rousin, ha pesked a vez produet hag ezporzhiet.

Evel ar peurrest eus enezeg Maluku emañ Seram e tolead linenn Wallace, un tolead a bouez bras evit ar skiantourien abalamour da liesseurted ar gouennoù plant ha loened ennañ, a-c'haoliad etre toleadoù Azia hag Okeania.