Sidecar

Sidecar
vehículo de camino (es) y Vehículo basado en motocicleta (es)

Un sidecar (n'inglés significa 'vehículu llateral') ye un vehículu d'una rueda engabitáu a la banda (de normal derechu) d'una motocicleta, dando como resultáu un vehículu de motor de trés ruedes y con capacidá de tresportar una y en dellos casos dos persones adicionales a la motocicleta. La rueda del sidecar allúgase frecuentemente un pocu más palantre de la rueda trasera de la motocicleta, pero nunca s'atopa alliniada coles ruedes de la motocicleta, polo que nun se forma un triángulu equilláteru coles ruedes estremándose asina del triciclu.^[1]

Esisten motocicletes que la so suspensión delantera ta diseñada o afecha pa una mayor estabilidá con sidecar (ver forqueta atrasada).

Dellos sidecars pueden ser retiraos de la motocicleta.^[1]

Estos vehículos fueron bien populares nos años 50 cuando yeren una alternativa a los automóviles pal tresporte de pasaxeros.^[2] Tamién fueron usaos pola policía y l'exércitu. Mientres la Segunda Guerra Mundial, les tropes alemanes utilizaron los sidecars de les marques BMW y Zündapp.

En Méxicu la fábrica de motocicletes Islo, mientres los años 1960, vendió'l so propiu modelu fechu de fibra de vidriu, siendo esti diseñáu pal so motoneta de 175 cc.^[3] Anque téunicamente sería un sidecar con llanta llateral alliniada a la trasera, yá que tien una exa común diferencial pa les ruedes traseres y esa configuración résta-y estabilidá nes curves.^[1]

1. ↑ ^{1,0 1,1 1,2} Kendall, Hal (2003). «1», Sidecar operator manual, 1 (n'Inglés), páx. 8. Consultáu'l 6 de mayu de 2015.
2. ↑ Kendall, Hal (2003). «1», Sidecar operator manual, 1 (n'Inglés), páx. 20-30. Consultáu'l 6 de mayu de 2015.
3. ↑ Ricardo Alvarado. «Motoneta Islo 1963 con Sidecar».