Sinyokolas

Sinyokolas^[1] (hurup Arab Gundul: سيڽو کولاس) atawa Sinterklas (hurup Arab Gundul: سنتر کلاس) atawa Baba Natal (hurup Arab Gundul: بابا ناتل) entu atu tokoh legènda nyang dikaèt-kaètin ama Natal. Ni orang digambarinnya jadi atu baba-baba nyang jènggotanya puti, girang, paké setèlan mèra nyang lingirannya puti. Di beberapa negara, orang kata, dia ngejogrognya di Kutub Lor ama dia punya bini Nyonya Kolas, peri nyang katanya bikin maènan, èn menjangan kutub nyang katanya nyènggèt dia punya kerèta mabur di langit.

Sinyokolas entu didasarin ama atu uskup Yunani, nama Sint-Nikolas.

Baba Natal, Norden punya pèrsi, orang kata', tinggalnya di Laplan, Pinlan, cuman ada juga' nyang ngiranya dia di Kutub Lor.

Sinyokolas gènèngan mah bukan orang beneran, bukan juga' orang dalem sejarah, mar penokohan Sinyokolas modèren roman-romanah dikeja deri macem-macem terdisi Èropa èn budaya Krèsten, kaya' atu wali Krèsten Romèn^[2] nyang perna ada, Sint-Nikolas punya keidupan, Welanda punya Sinterklaas, èns. Ada banyak barang-barang budaya mashur nyang ada kaètannya ama Sinyokolas. Dia punya nama juga ada banyak. Ada nyang gero Saint Nicholas, Saint Nick, Kris Kringle, Kristingle, Christingle, Baba Natal, Santy, èns.

1. ↑ Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung. h. 106.
2. ↑ Hoetink, B. (2007). Ni Hoe Kong: Kapitein TIONG HOA di Betawie dalem tahon 1740. Cit. ke-2. Penerbit Masup Jakarta. Romèn (hurup Arab Gundul: رومين) – Romawi (Indo.); Roman (Ing.); Romein (Wld.).