Sraskerke

Sraskerke (Nederlands: 's-Heer Arendskerke) is 'n durp in de gemeênte Goes mee 1.690 inweuners in 2023. De eêste vermelding was in 1275 as dochterparochie van 't korte bie gelegen en ouwere durpje Wissekerke. De 'eren Van Schenge bouwden op een plekke ten zuujen van 't dorp een kasteel dat laeter verviel en wivan de steênen wieren gebruukt as diekversteviging. Deze 'eren ao het recht van anwas van al het land tussen Beveland en Walchren. In 1840 hao de gemeênte Sraskerke 258 'uuzen mie 1.713 inweuners, verdeeld over Sraskerke (1.325) en 't Nieuwe Durp (388). De gemeênte wier in 1857 uutgebreid mie de gemeênte Sreinskinders. In 1872 kreeg Sraskerke een station an de Zeêuwse lijn. Dit wier nae d'n oorlog gesloten. Toet an 1970 was Sraskerke een eihe gemeênte; dirnae is het deel dat ten noor'n van de A58 bie de gemeênte Goes gevoegd. In dat deel laege de durpen Sraskerke (inclusief Èndewehe), Sreinskinders en een stikje van 't Lewedurp. Het zuujelijk deel van de gemeênte, met deerin 't Nieuwedurp en het groôtste deel van 't Lewedurp ginge nae de gemeênte Bossele.

Een bekende boerderieje is de Aerends'oeve. Iervan is zelfs een kopie in Madurodam.