Stoppweata

Stoppweata (engl. 'stop words) san Weata, de wo in oana Sproch so haife voakeman, dass fia de Eafossung vo am Inhoid vo an Dokument ned bsondas wichtig san. Deshoib weans bei da Indiziarung und Recherche vo Voitextn zweng da Suacheffizienz oft ignoriat.

Es gibt koane vabindlichn Listn vo Stoppweatan; se wean fia bestimmte Owendunga individuej zommagstejt. Im Boarischn san oft de Artikl (da, de, des, ana usf.), Konjunktiona (und, oda, do) und Präpositiona (an, in, vo) Stoppweata. Es san imma Weata, de wo voa oim a grammatische Funktion hom und fian Inhoid ned so wichtig san.

Da Begriff kimmt vom Hans Peter Luhn, am Pionia vom Information Retrieval.