Back صحراء سترزيليكي Arabic صحرا سترزيليكى ARZ Stşeleski səhrası AZ Стшелецки (пустиня) Bulgarian Desert de Strzelecki Catalan Poušť Strzeleckého Czech Strzelecki-Wüste German Strzelecki Desert English Strzelecki-Dezerto EO Desierto de Strzelecki Spanish
Die Strzeleckiwoestyn /tʃəˈlɛtski/ is in die verre noordelike streek van Suid-Australië, suid-wes Queensland en westelike New South Wales geleë. Dit lê noord-oos van die Lake Eyre kom, en noord van die Flinders Bergreeks. Twee ander woestyne, die Tirariwoestyn en die Simpsonwoestyn, lê ook in die Lake Eyre Kom.
Die woestyn beslaan 80,250 km², en is die sewende grootste woestyn in Australië.[1]
Die Dingo draadlyn, Birdsville pad, Strzelecki pad, Diamantinarivier, Cooperspruit (Engels:Cooper Creek) en die Strzeleckispruit loop alles deur die woestyn.
Die woestyn word gekenmerk deur uitgebreide duinvelde, en is die tuiste van drie wildernis areas.
Die Strzeleckiwoestyn is deur Charles Sturt na die Poolse ontdekkingsreisiger Edmund Strzelecki vernoem.[2] Edmund Strzelecki was die eerste nie-inheemse ontdekkingsreisiger in die area, en is kort daarna deur die ongeluk belaaide Burke en Wills ekspedisie gevolg.
Groot gedeeltes van die woestyn word in die Strzelecki Streeksreservaat in Suid-Australië bewaar,[3] en verdere gedeeltes van die oostelike seksie word in die Sturt Nasionale Park in New South Wales bewaar. 'n Bevolking van die bedreigde Dusky Hopping muis woon in hierdie woestyn.
Die Cobbler Sandheuwels (Engels: Cobbler Sandhills) naby Lake Blanche is 'n gedeelte van die Strzeleckiwoestyn waar die duine vervang is met klein ge-êrodeerde knolle, wat meestal met plantegroei aan die bokant bedek is.
Vroeë pogings om hierdie gedeeltes met voertuie te kruis was baie moeilik, en die naam Cobbler Sandheuwels verwys na die skape wat die moeilikste was om te skeer (bekend as "Cobblers").
- ↑ "Deserts" (in Engels). Geoscience Australia. 5 Junie 2012. Geargiveer vanaf die oorspronklike op 5 Junie 2014. Besoek op 5 Februarie 2013.
- ↑ "Innamincka/Cooper Creek State Heritage Area" (PDF). State Heritage Areas of South Australia. Department for Environment and Heritage. Geargiveer vanaf die oorspronklike (PDF) op 14 Maart 2011. Besoek op 13 Julie 2009.
- ↑ "Biodiversity Assessment – Simpson Strzelecki Dunefields". Australian Natural Resources Atlas. Department of the Environment, Water, Heritage and the Arts. Geargiveer vanaf die oorspronklike op 29 Februarie 2012. Besoek op 13 Julie 2009.