Tampere

Tampere Tammerfors
Kaart	Wapen
	Vlag
Land	Finland
Landskap	Pirkanmaa
Provinsie	Wes-Finland
Koördinate	61°30′N 23°45′O / 61.500°N 23.750°O / 61.500; 23.750
Gestig op	1 Oktober 1779
Oppervlakte:
- Totaal	689,59 vk km[1]
- waarvan land	524,93 vk km
Hoogte bo seevlak	76 m
Bevolking:
- Totaal (2022)	249 009[2]
- Bevolkingsdigtheid	361/vk km
Tydsone	UTC +2 (OET)
- Somertyd	UTC +3 (OEST)
Klimaat
- Tipe	Kontinentaal-gematig
- Gemiddelde jaarlikse temperatuur	5,2 °C
- Gem. temp. Januarie/Julie	−5,2 / 17,3 °C
- Gemiddelde jaarlikse neerslae	582 mm
Burgemeester	Kalervo Kummola
Amptelike webwerf	www.tampere.fi

Tampere (Fins: [ˈtɑmpere], luister (hulp·inligting); Sweeds: Tammerfors, [tɑmærˈforsː], luister (hulp·inligting)) is 'n nywerheidstad in die suidweste van Finland. Met 'n oppervlakte van 689,59 vierkante kilometer en 'n bevolking van 249 009 in 2022 is dit die derde grootste stad in dié land ná Helsinki en Espoo (Esbo), die grootste stad in die provinsie Wes-Finland asook die grootste stedelike sentrum in die Nordiese lande wat in die binneland geleë is.

Dit is in 1779 deur 'n Sweedse koning gestig. Die stad lê in die binneland, omtrent 160 km noord van Helsinki. Tampere is al dikwels met Manchester in Engeland vergelyk. Sy nywerheidsgroei het vroeg in die 19de eeu begin toe 'n Skot met die naam John Finlayson 'n katoenspinfabriek daar opgerig het.

Deesdae is daar honderde fabrieke in Tampere. Omdat baie van hulle deur parke en tuine omring word, het Tampere die bynaam "die Nywerheidspark van Finland" gekry. Afgesien van weefstowwe, lewer die stad se fabrieke houtprodukte en sulke ongewone masjinerie soos sneeuploeë en ysbrekers.

1. ↑ (fi) (sv) "Suomen pinta-ala kunnittain – Finlands areal kommunvis" (PDF). Nasionale Landopname van Finland. 1 Januarie 2018. Besoek op 13 Mei 2024.
2. ↑ (en) "Municipal key figures by Region 2023 and Information". Statistiek Finland. 2022. Besoek op 13 Mei 2024.