Back Katastrophe von Tschernobyl ALS كارثة تشيرنوبل Arabic كارثه تشرنوبل ARZ চাৰ্ন'বিল বিপৰ্যয় AS Accidente de Chernóbil AST Çernobıl faciəsi AZ چرنوبیل فاجیعهسی AZB Чарнобыльская катастрофа BE Чарнобыльская катастрофа BE-X-OLD Чернобилска авария Bulgarian
Die Tsjernobil-kernramp (ook na verwys as die Tsjernobil-ongeluk) was 'n katastrofiese kernongeluk wat op 26 April 1986 plaasgevind het in die Tsjernobil-kernkragsentrale naby die dorp Pripyat in die Oekraïne (destyds amptelik die Oekraïense SSR), wat onder die direkte jurisdiksie van die sentrale owerhede van die Sowjetunie gestaan het. 'n Ontploffing en brand het groot hoeveelhede radioaktiewe deeltjies in die atmosfeer vrygestel, wat oor die grootste deel van die westelike USSR en Europa versprei het.
Die Tsjernobil-ramp was die ergste kernkragongeluk in die geskiedenis in terme van koste en ongevalle. Dit is een van slegs twee geklassifiseer as 'n vlak 7 gebeurtenis (die maksimum klassifikasie) op die "International Nuclear Event" skaal, die ander is die Fukushima Daiichi-kernramp van Japan in 2011.[1] Die stryd om die besoedeling te beperk en 'n groter katastrofe te voorkom, het uiteindelik meer as 500 000 werkers betrek en 'n geskatte 18 miljard roebels gekos.[2] Tydens die ongeluk is 31 mense dood, maar langtermyneffekte soos kanker word nog ondersoek.
- ↑ Black, Richard (12 April 2011). "Fukushima: As Bad as Chernobyl?" (in Engels). BBC. Geargiveer vanaf die oorspronklike op 9 Januarie 2020. Besoek op 20 Augustus 2011.
- ↑ Gorbachev, Mikhail (1996), interview in Johnson, Thomas, The Battle of Chernobyl op YouTube, film, Discovery Channel, verkry 19 Februarie 2014.