Tsuchigumo

Tsuchigumo

Tsuchigumo (土蜘蛛, Tsuchigumo),^[1] bokstaveleg omsett ‘jordedderkopp’, er ein historisk japansk nedverdigande term for opprørske lokale klanar, og dessutan namnet på ein type av edderkopp-liknande yōkai i japansk folklore.

Kjempeedderkoppen tsuchigumo opptredde fyrst som ein oni-aktig yōkai i litterære verk frå mellomalderen. Det mest representative av desse verka er Soga om Heike, (Heike Monogatari), som blei samla i fyrste halvdel av 1200-talet, der vesenet opptrer under namnet 山蜘蛛 (yamogumo, fjelledderkopp). Forma til ein tsuchigumo utvikla seg til å bli meir bisarr med tida.^[2] I emakimonoen Tsuchigumo Sōshi frå 1300-talet er ein tsuchigumo skildra som ein kjempe-yōkai på 60 meter, og då han blei drepen kom 1 990 hovud ut av magen hans. Minamoto no Yorimitsu og Watanabe no Tsuna, som var med på å nedkjempa tsuchigumoen i desse sogene, er japanske sogeheltar som også opptrer i soga om den mektige onien Shuten-dōji.^[3] Tsuchigumoar opptrer også som yōkaiar i verka innan no-, jōruri og kabuki-tradisjonane.^[4]

Tsuchigumo Sōshi, del åtte til tretten.

1. ↑ 京極夏彦・多田克己 編著 (2008). 妖怪画本 狂歌百物語. 国書刊行会. s. 293–294頁. ISBN 978-4-3360-5055-7. 
2. ↑ Katsuhiko Fujii. «土蜘蛛～山中の異形の妖怪も、元は善良な民だった⁉ ｜ 歴史人» (på japansk). ABC Ark, Inc. Arkivert frå originalen 27. september 2022. Henta 12. februar 2023. 
3. ↑ Sachie Miyamoto, Azusa Kumagai (2007). 日本の妖怪の謎と不思議. Gakken. s. 74. ISBN 978-4056047608. 
4. ↑ «土蜘蛛» (på japansk). Kotobank. Arkivert frå originalen 12. februar 2023. Henta 12. februar 2023.