Back Flüssigkeit ALS Liquido AN द्रव ANP سائل Arabic سايل ARY سايل ARZ তৰল পদাৰ্থ AS Líquidu AST Maye AZ مایع AZB
'n Vloeistof word beskou as een van die drie klassieke toestande van materie. Net soos 'n gas, kan 'n vloeistof vryelik vloei en die vorm van 'n houer aanneem, maar soos 'n vastestof weerstaan dit samepersing. Anders as 'n gas, sal 'n vloeistof nie op so 'n wyse versprei dat dit die hele ruimte van die houer vul nie, en handhaaf ook 'n redelike konstante digtheid. 'n Unieke eienskap van die vloeistoffase is oppervlaktespanning, wat lei tot die verskynsel van benatting.
Die digtheid van 'n vloeistof is gewoonlik na-aan dié van 'n vastestof, maar egter baie hoër as dié van 'n gas. Juis daarom word 'n vloeistof en 'n vastestof gereken as gekondenseerde materie. Omdat vloeibaarheid 'n gemene eienskap van vloeistowwe en gasse is, word daar na albei verwys as vloeiers.
