Yanantin nisqaqa iskay-iskay kapunakuq, huk hukman hayu hina kaqmi, ichataq kuskalla allinmi huñunakuq, imakunapas pi runakunapas - yuraq llimphi yana llimphiwan hina. Huk kaq wakin kaqwan mana kaspaqa manam kayta atinchu. Wakinta, yananta muchunmi, iskaynintinllam kaspaqa hunt'asqa kaq.
Chayrayku huk qhariwan kuskalla kawsaq warmitam - warmiwan kuskalla kawsaq qharitapas - chay qharip icha warmip yanan nispa ninchik.
Ahinataqmi huk yanantinkuna:
- qhari - warmi
- qusa - warmi
- turi - pani
- urqu uywa - china uywa
- lluq'i - paña, itsuq- allawka
- hanan - urin
- ñawpaq - qhipaq
- p'unchaw - tuta; quya- paqas
- inti - killa
- paray mit'a - ch'aki mit'a
- allpa pacha - yaku pacha
- kawsay - wañuy
- quy - chaskiy
- yanapay - yanapasqa kay