Hipodromo

Hipodromo (greke: ĉevalvetkurejo) estas ovala ĉevalkurejo, kia ĝi ekzistis en la antikva Grekio kaj la bizanca imperio por ĉevalvetkurado aŭ ĉarvetkuradoj.

Laŭ Francisko Azorín Hipodromo estas Adekvata ejo por ĉevalaj vetkuroj k. rajdekzerci.^[1] Li indikas etimologion el la greka hippos + dromos (ĉeval kuro) kaj de tie la latina hippodromos.^[2]

La longeco de la kurejo estis plej ofte 400 metroj. Hipodromo enhavis ankaŭ sidlokojn por spektantoj, foje por pluraj centmiloj da homoj.

1. ↑ Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 89.
2. ↑ Azorín, samloke.