Abazyns

Abazyns абаза бызшва, abaza byzšwa
Gepraat in:	Rusland  Turkye
Gebied:	Karatsjai-Tsjerkessië
Totale sprekers:	47 880[1]
Taalfamilie:	Noordwes-Kaukasies  Abazgi   Abazyns
Skrifstelsel:	Cyrilliese alfabet Latynse alfabet
Amptelike status
Amptelike taal in:	Rusland Karatsjai-Tsjerkessië
Gereguleer deur:	geen
Taalbedreigingstatus
Uitgesterf EXUitgestorwe taal Bedreig CRKrities bedreigde SEErg bedreigde DEBedreigde VUKwesbare    Veilig    NE Nie bedreig nie Dit is 'n bedreigde taal volgens die UNESCO-wêreldatlas van bedreigde tale.
Taalkodes
ISO 639-1:	geen
ISO 639-2:
ISO 639-3:	abq
Nota: Hierdie bladsy kan IFA fonetiese simbole in Unicode bevat.

Abazyns (абаза бызшва, Abaza Bizsjwa; Adigies: абазэбзэ) is ’n taal van die Abazyne van die Kaukasus-gebergte in die Republiek van Karatsjai-Tsjerkessië in Rusland. Dit bestaan uit twee dialekte, die Asjcherewa en die Tap'anta, wat die letterkundige standaard is.

Die taal word deur sowat 35 000 mense in Rusland gepraat waar dit in ’n aangepaste Cyrilliese alfabet geskryf word. Dit word ook deur sowat 10 000 mense in Turkye gepraat waar dit in die Latynse alfabet geskryf word.

Abazyns is, nes ander tale in die Noordwes-Kaukasiese taalfamilie, hoogs agglutinerend – dit het talle medeklinkers (63 foneme) en net twee klinkers. Dit is nou verwant aan Abchasies, maar het ’n paar foneme wat nie in Abchasies voorkom nie.

1. ↑ (en) "Ethnologue: Languages of the World, Seventeenth edition, Abaza". Ethnologue. Geargiveer vanaf die oorspronklike op 12 Junie 2019. Besoek op 22 Augustus 2020.