Aldabra

Aldabra is die wêreld se tweede grootste koraalatol^[1] wat suidoos van die vasteland van Afrika lê. Dit vorm deel van die Aldabra-groep eilande in die Indiese Oseaan wat deel is van die Buite-eilande van die Seychelle, met 'n afstand van 1 120 km (700 myl) suidwes van die hoofstad, Victoria op Mahé-eiland.

Die naam Aldabra, oorspronklik Al-Hadra of Al-Khadra, is deur Arabiese seevaarders gegee vir "die atol se harde, songebakte omgewing";^[2] hierdie naam is opgeneem in die Portugese kaarte van die 16de eeu.^[3][4] Hulle het die Indiese Oseaan as Bahr-el zanj genoem.^[5] Dit is in 1511 deur Portugese seevaarders besoek. Die eilande was reeds bekend aan die Perse en Arabiere, van wie hulle die naam gekry het. In die middel van die 18de eeu het die atol 'n afhanklikheid van die Franse kolonie Réunion geword, vanwaar ekspedisies geloods is vir die vang van die Aldabra-reuseskilpaaie.^[6] Aangesien daar geen oppervlak-varswaterbronne op Aldabra is nie, was die belange van die ontdekkingsreisigers (geen bewys kan gevind word van enige Europese ontdekkingsreisiger se besoek voor 1742 nie) slegs om die skilpaaie en visse te ontgin, en nie om die atol te bewoon nie.^[3] In 1810, met Mauritius, Réunion, die Seychelle en ander eilande, het Aldabra in die besit van Groot-Brittanje oorgegaan. Réunion is later aan Frankryk terugbesorg, en Mauritius het Aldabra sowel as die res van die Seychelle in besit geneem. Die vorige inwoners was emigrante van die Seychelle.

1. ↑ Matthew Murrie (21 September 2010). The First Book of Seconds: 220 of the Most Random, Remarkable, Respectable (and Regrettable) Runners-Up and Their Almost Claim to Fame. Adams Media. p. 180. ISBN 978-1-4405-1068-7. Besoek op 11 Mei 2022.
2. ↑ Dodd, Jan (2004). Mauritius, Réunion and Seychelles. Lonely Planet. p. 268. ISBN 978-1-74059-301-4. Besoek op 10 April 2013.
3. ↑ ^{3,0 3,1} Anthony Cheke. "Timing of arrival of humans and their commercial animals on the western Indian Ocean oceanic islands" (PDF). Besoek op 27 Maart 2013.
4. ↑ "Aldabra Atoll: Aldabra Group". Tourism Department of Seychelles. Geargiveer vanaf die oorspronklike op 6 Oktober 2021. Besoek op 25 Maart 2016.
5. ↑ MairBeckley 2012.
6. ↑ "Aldabra Atoll". Unesco. Besoek op 23 Maart 2013.