Ampere

Die ampere (simbool: A), dikwels verkort tot amp, ^[1] is die SI-basiseenheid van elektriese stroom,^{[2][3] [4]} vernoem na die Franse wiskundige en fisikus André-Marie Ampère (1775–1836), wat saam met die Deense fisikus Hans Christian Oersted as die vader van elektromagnetisme beskou word.

Volgens die 2019-herdefinisie van die SI-basis-eenhede word die ampere gedefinieer deur die grootte van die elementêre lading te stel op 1,602176634×10⁻¹⁹,^[2] wat beteken 'n ampere is 'n elektriese stroom gelykstaande aan 10¹⁹ elementêre ladings wat elke 1,602176634 sekondes verbygaan. Voor die herdefinisie is die ampere gedefinieer as die stroom wat deur 2 parallelle drade 1 meter uitmekaar gevoer moet word om 'n magnetiese krag van 2×10⁻⁷ newton per meter te produseer.

Die ampere is vernoem na die Franse fisikus en wiskundige André-Marie Ampère (1775–1836), wat elektromagnetisme bestudeer het en die grondslag van elektrodinamika gelê het. Ter erkenning van Ampère se bydraes tot die skepping van moderne elektriese wetenskap, het 'n internasionale konvensie, onderteken by die 1881 International Exposition of Electricity, die ampere as 'n standaardeenheid van elektriese meting vir elektriese stroom vasgestel.

1. ↑ "Bureau International des Poids et Mesures" (PDF). 2006. p. 130. Geargiveer vanaf die oorspronklike (PDF) op 14 Augustus 2017. Besoek op 21 November 2011.
2. ↑ ^{2,0 2,1} BIPM (20 Mei 2019). "Mise en pratique for the definition of the ampere in the SI". BIPM. Besoek op 18 Februarie 2022.
3. ↑ SI brochure 
4. ↑ Base unit definitions: Ampere Geargiveer op Wayback Machine Physics.nist.gov. Retrieved on 28 September 2010.