Anapsida

Anapsida Tydperk: Karboon tot Onlangs
’n Diagram van die skedel.
Wetenskaplike klassifikasie
Koninkryk:	Animalia
Filum:	Chordata
Subfilum:	Vertebrata
Superklas:	Tetrapoda
Klas:	Sauropsida
Subklas:	Anapsida Osborn, 1903
Ordes
Testudines Mesosauria † Millerettidae † Nyctiphruretidae † Pareiasauridae † Procolophonidae † Captorhinida †

Anapsida is 'n subklas van reptiele met 'n geslote skedeldak, sonder openinge agter die oë (langs die slape).^[1] Hulle verskil van die Diapsida, wat (gewoonlik) twee openinge het, en die Synapsida, wat een opening het. Die skilpaaie is waarskynlik die enigste groep lewende diere wat nog aan die subklas behoort.

Die meeste afstammelinge van die subklas Anapsida het teen die einde van die Perm-tydperk uitgesterf. In die laat-Trias verskyn skilpaaie (Testudines); wat vir lank as die enigste oorblywende afstammeling beskou is. Filogenetiese studies toon egter dat skilpaaie tot die subklas Dsiapsida (diapsides) behoort, ten spyte daarvan dat hierdié openinge in die skedel ontbreek.^[2][3] Daar is wel gevalle waar die skedels van diapsides as gevolg van evolusie weer toegegroei het. Meer fossiele moet gevind word om die status van skilpaaie te bevestig.

1. ↑ Pough F.H. et al. 2002. Vertebrate life, 6th ed. Prentice Hall, NJ. ISBN 0-13-041248-1
2. ↑ Tree Of Life – Michel Laurin & Jacques A. Gauthier – Diapsid Phylogeny
3. ↑ Tree of life Geargiveer 8 Maart 2016 op Wayback Machine – Testudines