Back الدين في روما القديمة Arabic Relixón na Antigua Roma AST Qədim Romada din AZ Старажытнарымская рэлігія BE Религия в Древен Рим Bulgarian Religió a l'antiga Roma Catalan Starověké římské náboženství Czech Авалхи Рим тӗнĕ CV Romersk religion Danish Römische Religion German
Die Antieke Romeinse godsdiens omvat die etniese godsdiens van die stad Rome wat die Antieke Romeine gebruik het om hul as ’n volk te definieer, sowel as godsdienspraktyke wat aangeneem is van die volke wat onder Romeinse heerskappy gekom het. Die Romeine het hulself as baie godsdienstig beskou en hul sukses as ’n wêreldmag toegeskryf aan hul gelowigheid (pietas) en goeie verhoudings met die gode.
Namate Rome in kontak met ander kulture gekom en hulle verower het, het al hoe meer Romeine ander volke se godsdiens begin aanvaar. In die 5de eeu v.C. is ’n groot deel van die Griekse mitologie geleidelik aanvaar totdat die Romeinse mitologie basies ’n weerspieëling van die Griekse godedom was. Aan die einde van die 3de eeu v.C. het elke Griekse god ’n Romeinse eweknie gehad. Die 12 Olimpiese gode was Jupiter/Zeus, Juno/Hera, Minerva/Atena, Mars/Ares, Neptunus/Poseidon, Diana/Artemis, Vulcanus/Hefaistos, Mercurius/Hermes, Vesta/Hestia, Ceres/Demeter, Apollo/Apollon en Venus/Afrodite. Ander gode het ingesluit Pluto/Hades, Bacchus/Dionisos, Aiskulapius/Asklepios, Proserpina/Persefone, ens.