Basjar al-Assad

Basjar Hafez al-Assad (Arabies: بشار حافظ الأسد‎ 'Baššār Ḥāfiẓ al-ʾAsad', Levantynse uitspraak: [baʃˈʃaːr ˈħaːfezˤ elˈʔasad]; gebore op 11 September 1965) is 'n Siriese politikus wat vanaf Julie 2000 tot sy omverwerping in Desember 2024 as die 19de president van Sirië gedien het. Boonop was hy 'n opperbevelvoerder van die Siriese weermag en streeksekretaris van die tak van die Arabiese Sosialistiese Ba'ath-party in Sirië. Sy pa, Hafez al-Assad, was ook van 1971 tot 2000 president van Sirië.

In November 2024 het 'n koalisie van Siriese rebelle verskeie offensiewe teen die land begin met die doel om Assad te verdryf.^[1][2] Gedurende die oggend van 8 Desember, toe rebelletroepe Damaskus die eerste keer binnegekom het, het Assad na Moskou gevlug en is politieke asiel deur die Russiese regering toegestaan.^[3][4] Later daardie dag het Damaskus vir rebellemagte geval, en Assad se regime het ineengestort.^[5][6][7]

1. ↑ Abdulrahim, Raja (7 Desember 2024). "The leader of Syria's rebels told The Times that their aim is to oust al-Assad". The New York Times. Besoek op 7 Desember 2024.
2. ↑ "Syrian army command tells officers that Assad's rule has ended, officer says". Reuters.
3. ↑ Gebeily, Maya; Azhari, Timour (8 Desember 2024). "Syria's Assad and his family are in Moscow after Russia granted them asylum, say Russian news agencies". Reuters. Besoek op 8 Desember 2024.
4. ↑ "Bashar al-Assad and family given asylum in Moscow, Russian media say". BBC News.
5. ↑ "Syrian rebels topple President Assad, prime minister calls for free elections". Reuters. 7 Desember 2024. Besoek op 7 Desember 2024.
6. ↑ "Assad flees to Moscow after rebels take Syrian capital, Russian state media report". CBC News. 9 Desember 2024. Besoek op 9 Desember 2024.
7. ↑ "Syria's President Bashar al Assad is in Moscow and has been granted asylum, confirms Russian state media". 8 Desember 2024.