Blyderivierspoort-natuurreservaat

Blyderivierspoort-natuurreservaat
Die Drie Rondawels in die Blyderivierspoort
Land	Suid-Afrika
Provinsie	Mpumalanga
Naaste dorp	Graskop en Ohrigstad
Blyderivierspoort-natuurreservaat
Koördinate: 24°29′29″S 30°45′30″O / 24.49139°S 30.75833°O / -24.49139; 30.75833
Oppervlak	29 000 ha (290 km2)
Openingsjaar	November 1965
Bestuursliggaam	Mpumalanga Parkeraad

Die Blyderivierspoort-natuurreservaat (of Motlatsekloof Provinsiale Natuurreservaat) is geleë in die Drakensberg van Mpumalanga, Suid-Afrika. Die reservaat beskerm die Blyderivierafgronde, insluitend dele van die Ohrigstad- en Blyderiviere en die geologiese formasies rondom Bourke's Luck kolkgate, waar die Treurrivier neertuimel in die Blyde benede. Suidwaarts van die canyon, volg die reservaat die platorand tot by Devil's Window en God's Window. Laasgenoemde is 'n gewilde uitkykplek op die Laeveld, by die reservaat se suidelike punt.

Die Mogologolo (1 794 m), Mariepskop (1 944 m) en Hebronberg (1 767 m) is massiewe rotsformasies wat gedeeltelik ingesluit is in die reservaat. Die hoogte wissel van 560 m tot 1 944 m bo seevlak.^[1] Die vakansieoorde is FH Odendaal en Swadini, laasgenoemde is slegs toeganklik vanaf die Limpopoprovinsie. Die oppervlakte beslaan ongeveer 29 000 hektaar (290 km²) wat geadministreer word deur die parkeraad van Mpumalanga.

1. ↑ Lötter, Mervyn C.; Beck, Hans T. (2 Augustus 2004), "Preliminary inventory and classification of indigenous afromontane forests on the Blyde River Canyon Nature Reserve, Mpumalanga, South Africa", BMC Ecology, http://www.mendeley.com/research/preliminary-inventory-and-classification-of-indigenous-afromontane-forests-on-the-blyde-river-canyon-nature-reserve-mpumalanga-south-africa/ ^{[dooie skakel]}