Back Amplaria AN Qhanqha AY Amplada Catalan ᎾᏯᏛᎥ CHR Larĝo EO Ancho Spanish Zabalera EU Largeur French Širina Croatian Lajè HT
Die breedte van 'n voorwerp is die afstand tussen die twee verste kantsye van die voorwerp, reghoekig met die lengte gemeet. By 'n motorvoertuig, is dit bv. die afstand tussen die bakwerk aan die linkerkant en die regterkant. Dit is gewoonlik kleiner as die lengte, wat van voor na agter van die voorwerp gemeet word.
Die breedte van 'n voorwerp is 'n belangrike maat om te bepaal of die voorwerp binne iets anders sal inpas, bv. 'n kar in 'n motorhuis, of 'n vragmotor deur 'n hek. Die breedte van treine en lokomotiewe is ook belangrik; dit bepaal of hulle op 'n sekere spoorbreedte sal kan funksioneer, en of hulle vrylik by stasies se peronne, asook ander treine, sal kan verbybeweeg.