Brielle

Brielle Den Briel
Stad
Die Sint Catharijnekerk
Vlag Wapen
Ligging van Brielle in Zuid-Holland-provinsie
Kaart van voormalige Brielle-munisipaliteit
Koördinate: 51°54′N 4°10′O / 51.900°N 4.167°O / 51.900; 4.167
Land	Nederland
Provinsie	Zuid-Holland
Munisipaliteit	Voorne aan Zee
Oppervlak
• Totaal	11,26 km2 (4,35 vk. myl)
• Land	8,99 km2 (3,47 vk. myl)
• Water	2,27 km2 (0,88 vk. myl)
Bevolking
• Totaal	13 903
• Digtheid	1 552/km2 (4 020/vk. myl)
Poskode	3230-3232
Skakelkodes	0181
Webwerf	www.brielle.nl

Brielle (uitspraak (hulp·inligting)) is 'n stad en voormalige munisipaliteit in Nederland. Dit is in die provinsie Zuid-Holland op die eiland Voorne-Putten geleë. Die stad het sowat 13 900 inwoners en 'n oppervlak van sowat 11 km². Naas die stad Brielle self het die voormalige munisipaliteit ook die dorpe Vierpolders en Zwartewaal bevat. Die voormalige munisipaliteit was deel van die Stadsregio Rotterdam en later van die Metropoolregio Rotterdam-Den Haag gewees. Op 1 Januarie 2023 is hierdie munisipaliteit opgegaan in die nuwe munisipaliteit Voorne aan Zee (die voormalige Brielle-munisipaliteit het 17 704 inwoners in 2022).

Die stad is aan 'n stuk van die Maas geleë wat afgesluit is en nou die Brielse Meer vorm. Die meer het hom ontwikkel tot 'n belangrike gebied vir ontspanning in die stedelike gebied rondom Rotterdam. Die Brielse Maas het langs die Brielse Gat^[1] in die Noordsee uitgemond en dit het tot 1700 die stad Rotterdam verbind met die Noordsee. Hierna het dit toegeslik en het die suideliker Goereese Gat dié rol oorgeneem. Later is noordeliker die Nieuwe Waterweg gegrawe wat nou die kern van Rotterdam se hawe vorm.

1. ↑ "Geschiedenis van de Maasmond" (PDF) (in Nederlands).^{[dooie skakel]}